ژ نه‌بونا ترومبيَلا ئاگرڤه‌مراندنىَ  ب بهايىَ دو ده‌فته‌ريَت دولارى تشت دسوژن
ره‌سه‌ن ـ محه‌مه‌د تاهر زيَبارى:

ژ به‌ر گيروبونا پوليسيَت ئاگرڤه‌مراندنىَ دوكانه‌ك ل دينارتىَ سوت، ل شه‌ڤا 29/1 ئاگر به‌ربو دوكانه‌كا دوهن فروتنىَ ل دينارتىَ و ب بهايىَ 25000 بيست و پيَنج هزار دولاران كه‌ل و په‌ل سوتن، ژيَده‌ره‌كىَ نيَزيك دوكاندارى بو ره‌سه‌ن گوت: ل شه‌ڤا 29/1 ئاگر به‌ربو دوكانا وى و پشتى په‌يوه‌ندى ب پوليسيَت ئاگرڤه‌مراندنا دينارتىَ كرى لىَ پوليسيَت ئاگرڤه‌مراندنا دينارتىَ گوت وان ترومبيَلا ئاگر ڤه‌مراندنىَ نينه‌ و ب تنىَ 4 قه‌نينيَت ئاگرڤه‌مراندنىَ هه‌نه‌، و هه‌تا وانا په‌يوه‌ندي ب پوليسيَت ئاگرڤه‌مراندنا ئاكرىَ كرى پشتى 50 ده‌قيقا ژ نوى ترومبيَلا ئاگرڤه‌مراندنىَ گه‌هشت لىَ تا گه‌هشتى دوكان هه‌مى سوت و ب بهايىَ نيَزيكى 25000 بيست و پيَنج هزار دولاران خوساره‌ت بو.