سه‌روكىَ هه‌ريَما كوردستانىَ "دهه‌لبژارتنيَت بوريدا ليستا هه‌ڤپه‌يمانييا كوردستانىَ و ليستا يه‌كگرتوو هه‌بو لىَ دمه‌سائليَت ستراتيژى و نه‌ته‌وه‌ييدا ئيَك هه‌لويست بوين"
دسه‌ره‌دانا خودا بو ئه‌مريكا سه‌روكىَ هه‌ريَما كوردستانآ (مه‌سعود بارزانى) دديداره‌ك سه‌نته‌رىَ سابان بو سياسه‌تا روژهه‌لاتا ناڤه‌راست ل ئنستتيوتا بركينك سازكر و دبه‌رسڤا پرسياره‌كيَدا سه‌روكىَ هه‌ريَمىَ جوداهييا ليستا يه‌كگرتووى ئيسلاميى كوردستان ب نمونه‌يه‌كا ساخله‌م وه‌سفكر و گوت( جوداهييا ليستىَ جودايه‌ ژ جوداهييا هه‌لويستى). ديسان دبه‌رسڤا پرسياره‌كا ديتردا كو هنده‌ك پارتيَت كوردى ل هه‌ريَمىَ ب ليستيَت جودا پشكدارييىَ دهه‌لبژارتنيَت په‌رله‌مانىَ عيراقيَدا دكه‌ن و كاريگه‌رييا وىَ جوداهييىَ ل سه‌ر هه‌لويستىَ كوردى سه‌روكىَ هه‌ريَمىَ دياركر كو جوداهى هه‌يه‌ دناڤبه‌را ئيَك ليستى و ئيَك هه‌لويستى، چونكى دهه‌لبژارتنيَت بورى ييَت په‌رله‌مانىَ عيراقيَدا يه‌كگرتوو ب ليسته‌كا جودا پشكدار ببو، به‌لىَ دمه‌سائيليَت ستراتيژى و نه‌ته‌وه‌ييدا مه‌ و وان وه‌ك ئيَك ليست بريار ددان. دئاخفتنه‌كا دى دا (مه‌سعود بارزانى) سه‌روكىَ هه‌ريَما كوردستانىَ ئاشكراكر كو كومبونه‌كا به‌رفره‌ه دگه‌ل هه‌مى حزبيَت كوردى كرييه‌ و هه‌مييا په‌يمان دايه‌ دمه‌سائليَت ستراتيژى و نه‌ته‌وه‌ييدا ل به‌غدا ئيَك هه‌لويست بن.