ديدار/لهزگين دوسكى
رهسهن: كاودانيَت ههوا ههلبژارتنا ل سليَمانييىَ تيَكچوينه و ل دهمژميَر 9 ى شهڤىَ ههتا 6ى سپيَدىَ ههوا ههلبژارتنان هاتييه راوهستاندن، خواندنا ته بو ڤىَ چيه؟ئايا تو دبيَژى ئهڤ تيَكچونه هندهك دهڤهريَت دى ژى ڤهكريت؟
ئهميندارىَ گشتى: دياره ل ويَرىَ لژنا ئهمنى ل سليَمانييَى ئهڤ برياره دايه پيَدڤييَت سهروبهرىَ ويَرىَ دجودانه ئاريشه ييَت دورست بوين و تهق يا ل ئيَك دو كرى ب شهڤىَ پيَشبينى ناكهم ل جههكىَ ديتر روي بدهت، چونكى بابهتهكىَ دهڤهرهكيَيه و ئحتيماله ل قوناغهكىَ ژى چارهسهرببيت، چونكى بانگهشا ههلبژارتنان ئهگهر بهيَته چارچوڤهكرن د روژيَدا و شهڤ نهبيت ئهڤه كيَماسييه ددهرحهقىَ پروسا ههلبژارتناندا.
رهسهن: ل گهلهك ريَڤهبهرييَت حوكمهتىَ سهرپيَچى دهيَته كرن و پروپاكندىَ بو ليستا دهستههلات دكهن چ وهك جه چ وهك كهسىَ حكومهمى، ئهرىَ ئهڤه نه زيَدهگاڤييه ل سهر ياسايىَ؟
ئهميندارىَ گشتى: جهىَ داخيَيه ئهڤه ئيَكه ژ وان تشتيَت نهخوش ئهڤيَت ههين و هيڤدكهين كيَم ببيت، بهشهكىَ ڤى گريَدان يا ب رهوشهنبيرييا ديموكراسيڤه ههى و رهشهنبيرييا ههلبژارتنان يا لاوازه، ژبهر ڤىَ چهندىَ ئهڤ كارمهنده يان ئهڤ بهرپرسه نزانيت كو جوداهى يا ههى دناڤبهرا مولكىَ گشتى و مولكىَ تايبهت، و هندهك ژى راستى ژ كيَم خهميا پيَگيرييا دهستههلاتيَيه ل ريَنما و ياسا و فهرمانان، چونكه ئهڤه ئيَك ژ سهرپيَچييا ريَنماييَت كومسيونا بالا يا ههلبژارتنانه و ريَنماييَت وان گهلهك ب شدياينه ل سهر ڤىَ و دڤيَت ئهڤ ديارده نهمينيت، ژبهركو زيان دگههيته سومعهتا پروسىَ و سومعهتا دهستههلاتىَ ژى.
رهسهن: رهئييا جهنابىَ ههوه چييه كو گهلهك ژ پروژيَت حوكمهتا ههريَما كوردستانىَ دههڤدهمن دگهل ههوا پروپاكندا ههلبژارتنان؟
ئهميندارىَ گشتى: ئهڤه ژى ههر وهكى وىَ دياردا سهرييه، حوكمهت حوكمهتا ههمى مللهتييه، مهفروز نينه ببيته حوكمهتا حزبا دهستههلاتدار و بچيت تشتى ئيستغلال بكهت بو بانگهشا ههلبژاردتنا، بهلىَ ئهڤ ديارده دياردهكا نه ساخلهمه و هيڤى دكهين نهمينيت.
رهسهن: ليستا يهكگرتوو ژماره(315) چ خاليَت هيَزىَ ههنه دڤان ههلبژارتناند؟
ئهميندارىَ گشتى: خاليَت هيَزا يهكگرتوو گهلهكن، چونكى يهكگرتوو داهيَنهرا ليستا جودا بو ل كوردستانىَ ل سالا 2005ىَ و قوربانى ژى ل سهر ڤىَ چهندىَ ييَت داين، ديسان چونكى فرهليستى ڤهژاندنا پروسا ديموكراسييه و ئهڤه بخو خالهكا مهزنه يهكگرتوو بو خو پاراستى. ژبلى ڤىَ سهركهفتنا كوتلا يهكگرتوو ب پيَنچ ئهنداميَت بهرى نوكه كو سهركهفتنهكا باش بدهستڤهئينا و كاريگهرييهكا باش ل سهر گهلهك بابهتا ههبو. يا دى ئهم هوسا دزانين كو خالهكا دى يا هيَزا ليستا يهكگرتوو هيَزا كهسان، چونكى كهسيَت مه ههمى بسپور و ئهكاديمى و خودان شيان و زمان زانن و زمانىَ دان و ستاندنىَ دازنن، كهسيَت تولڤهكهر و شوفيَنى نينن و كهسيَت مهدهنى و ديموكراتن.
رهسهن: چارهسهرنهكرنا كيَشيَت دناڤبهرا ههريَما كوردستانىَ و حوكمهتا فيدرالا بهغدا دا بو چ ڤهدگهرينى؟ بو لاوازييا كوتليَت كوردي، يان بو حهكمهتا بهغدا؟
ئهميندارىَ گشتى: دڤيَت ئهم بزانين كو چارهسهرييا كيَشا دناڤبهرا ههريَمىَ و حكومهتا فيدرالدا كيَم پهيوهندى ب پهرلهمانيڤه ههيه، بهلكو ب دهستههلاتا ئيداريڤه ههيه، دهستههلاتا تهنفيزى ئانكو ئيدارا ههريَمىَ دگهل ئيدارا بهغدا، ژلايهكىَ ديڤه ئهز هوسا هزر دكهم كو پشكهكا خهلهتييىَ ژبهغدايه و پشكه ژى ژ مهيه ژ ههريَمىَ، ئهڤيَت خودانيَت پوستيَت سيادى ل بهغدا و نوينهراتييا ئيدارى دكهن ل بهغدا نهكو ئهنداميَت پهرلهمانى، ئهڤان كهسا گرنگييا سهرهكى نهدايه كوردستانىَ، بهلكو گرنگييىَ پتر ددهنه بابهتيَت حزبى و كهسى ژبهر ڤىَ چهندىَ ئهم دبينن كو كيَشهييَت ماينه ههلاويستى، ژبلى هندىَ كو ئيداره و حوكمهتا ههريَما كوردستانىَ، ئهگهر گرفتارييا چارهسهر نهكهن پشت گوهڤه دهاڤيَت ئهڤه ژى نه چارهسهرييه، چونكى ئهو كيَشيَت دهيَنه پشت گوه ئيَخستن ئالوزتر ليَدهيَن و مهترسيتر لىَ دهيَن. ههريَما كوردستانىَ ههريَمهكا دهستورييه پيَدڤييه ب دهستورى ئهڤ ئاريشه ههمى چارهسهرببن و ههر تشتهكىَ جوداهى ل سهر ههبو بيَته رهوانهكرن بو دهستورى و دادگهها دهستورى و نهئيَنه پشت گوه هاڤيَتن، ئاريشه نهبنه ييَت كهسى و ب كهسانڤه نههيَنه گريَدان و بابهت ددهستور وياسايى بن، بو نموونه بودجا پيَشمهرگههى دڤيَت يا رون و ئاشكرا بيت، و كا ئاريشا دىَ چيه لايهنهكىَ سييىَ پشكدار بكهن ژبو چارهسهريىَ يان بابهتىَ گريَبهستيَت نهفتىَ و بابهتىَ ئيدارا كوردى بو دهڤهريَت ڤهقهتياي ئهڤان ئاريشه ههنه، راسته كو مادىَ 140 ئيدارا بهغدا و حكومهتا وىَ نه يا رژده بو چارهسهرييا وى مادهى و ئهڤه نه حنيَره، بهلىَ حكومهتا ههريَما كوردستانآ دڤيَت ل ريَكيَت چارهسهريىَ بگهريت و دڤيَت پيچهك نهرماتييىَ بكاربينيت دا ئهڤ ماده نههيَته ژ كارئيَخستن، وهكو نوكه ليَهاتى، كارىَ ئيدارا كوردى ل دهڤهريَت دوبهرهكى ل سهر ههى يىَ سهركهفتى نه بو نهشيا گهلىَ كورد و عهرهب و توركمان ل وان دهڤهران دلخوش بكهت، كو دهڤهريَت ههڤپشكن دناڤبهرا مها، خالهكا مهزنا لاوازيىَ كو حكومهتا ههريَمىَ نهشيا وان ئاريشا چارهسهر بكهت و دهستههلاتا حزبى ئهگهرىَ سهرهكييه ژبو كريَتكرنا سومعهتا كوردا ل وان دهڤهرا. حوكمىَ حزبى يىَ خهلهته دڤيَت حوكمىَ ياسايىَ بيَته بكارئينان بو نمونه نوكه ل كهركوكىَ دو ئاساييش ههنه و دو ريَڤهبهريَت پهروهردىَ ههنه و ل مويسل ژى گهلهك ئاريشيَت ژ ڤى رهنگى ههنه ئهڤه ههمى ئهگهر بون كو سومعهتا مه ل دهڤهريَت ڤهقهتيا دمادىَ 140 بهيَته راوهستاندن و دهرفهتا چارهسهرييىَ بڤى رهنگى گهلهك كيَم دبيت، لهوا ئهز دبيَژم پشكهكا ئاريشىَ ژ حكومهتا ههريَمى و پشكهك ژ حكومهتا بهغدايه. |
